კოლექცია: ილიკო ფოფხაძე
"ჩემი ისტორია, როგორც ყველასი, ასე დაიწყო. დავიბადე 1971 წელს, ბედნიერი ბავშვობა მქონდა, ოღონდ დაუმორჩილებელი.
ხატვაც ბავშვობიდან დავიწყე. ვხატავდი ყველაფერს და ყველას. მთავარი იყო, მეხატა. გალაკტიონის ფრაზა: “მომავლისაკენ წინ იერიშით” ჩემი ცხოვრების დევიზად იქცა, რომელსაც დღემდე არ ვღალატობ.
1991 წელს დავამთავრე იაკობ ნიკოლაძის სახელობის სამხატვრო სასწავლებელი. 1992 წელს ჩავირიცხე სამხატვრო აკადემიაში თეატრის სცენოგრაფიის ფაკულტეტზე. სტუდენტობა, ეს დაუვიწყარი და შეუცვლელი წლები, შემოქმედებითად გავიარე, რაც დღემდე არ შემიწყვეტია. იყო უამრავი გამოფენა, როგორც თბილისში, ასევე უცხოეთში. (შვეიცარიაში, შვედეთში, საბერძნეთში, ინგლისში, რუსეთში, უკრაინაში, აშშ.)
ვფიქრობ, მხატვარი, როგორც ყველა ადამიანი, მუდმივ ძიებაში უნდა იყოს. მეც მუდმივად ვეძებ, რაც შემოქმედების მრავალფეროვნებაში ძლიერ მეხმარება. მორიგი ეტაპის გავლაც ფრიად სასიამოვნოა".
ილიკო ფოფხაძე
