მამუკა გიორგაძე

"ვცდილობ ვიყო შემოქმედი და არა უბრალოდ გადამწერი.

როცა ჟურნალისტიკაში ვიყავი, ამბობდნენ, რომ ჟურნალისტი ვარ, ახლა მხატვარს მიწოდებენ. ჩემთვის კი "მხატვარი", თავისი დიდებული გაგებით, ალბათ თითებზე ჩამოსათვლელია.

მეორეს მხრივ კი, ვინც ამ სფეროში რამეს ქმნის, ავად თუ კარგად, კი ბატონო, ერქვას მას მხატვარი. დამარქვან მეც ასე.
ოღონდ, ნურც ცაში ამიყვანენ ზედმეტი გულმოდგინების გამო და ნურც მიწასთან გამასწორებენ დაუმსახურებლად.

ხაზგასმით მინდა ავღნიშნო, რომ არანაირ სამხატვრო სასწავლებელში არ მისწავლია. ცოდნა თავად შევიძინე. ასეთ მხატვრებს, ერთობ უცნაურ სახელს - "თვითნასწავლს" - უწოდებენ.
ერთხელ გოგენს ამასთან დაკავშირებით უთქვამს: არ არსებობს ნასწავლი და თვითნასწავლი მხატვარი. უბრალოდ, ზოგი კარგად ხატავს და ზოგი ცუდადო.

გარკვეული ცოდნის ქონა აუცილებალია, სად ან რა გზითაც უნდა იყოს იგი მიღებული. მთავარი კი, მაინც, თანდაყოლილი ნიჭი და შემოქმედის ინტუიციაა.

ვცდილობ ვიყო მრავალფეროვანი. არ მაქვს მთავარ მიზნად დასახული "საკუთარი სტილის" შექმნა. ჩემთვის მთავარია მიაღწიო კარგს, და არა სტილს. ხოლო, თუ პირველთან ერთად იქნება მეორეც, ეს უკვე საუკეთესო ვარიანტია.

არასდროს ვრჩები კმაყოფილი ჩემი ნამუშევრებით და ვგრძნობ, რომ ჩემი ასეთი დამოკიდებულება, შეიძლება მტრადაც მექცეს შემოქმედეით გზაზე და - მოყვარედაც.
მტრად იმიტომ, რომ მაბრკოლებს, მბოჭავს. მოყვარედ კი იმიტომ, რომ მოდუნების საშუალებას არ მაძლევს.
ზოგადად კი ვფიქრობ, რომ სადაც საკუთარი თავით აღტაცება იწყება, იქ სრულდება შემოქმედებითი ცხოვრებაც”.

მამუკა გიორგაძე
მამუკა გიორგაძე
ფილტი და სორტირება

ფილტი და სორტირება

ფასი

მაქსიმალური ფასი

ლ
ლ
წაშლა
ავტორი
წაშლა
ხელმისაწვდომობა
წაშლა
ყველას წაშლა
ყველას წაშლა