კოლექცია: რეზო ემელიანე ადამია

რეზო ემელიანე ადამიას შემოქმედება მჭიდრო კავშირშია საფრანგეთთან, პარიზთან, სადაც მას 5 პერსონალური გამოფენა ჰქონდა.

პარიზის პეიზაჟებთან ერთად ნახატებში მშობლიური კოლხური ოდებიც ჭარბობს. ავტორისთვის მიტოვებული სახლების თემატიკა აქტუალურია. 
"გაივლის წლები, მოიშლება ეს ოდები, მაგრამ ჩემი ნახატები სამუდამოდ დარჩება და იმ ნახატის მიხედვით, თუ მოუნდა ქართველს, აღადგენს ისევ ამ ოდას”. - რეზო ადამია.

მის ნამუშევრებში კოსმიურ და მისტიკურ სამყაროსაც შეხვდებით. ავტორის თქმით, ხელოვნება მისტიკას საჭიროებს: “იაპონელებს აქვთ კარგად ნათქვამი, მზეს, ყოველ დილით, ამოსვლისას, ტაშით უნდა ხვდებოდე. მზე არის მისტიკა და თუ ხელოვანში მისტიკა არ ზის, მისი ხელოვნება დროებითია.”