წესები და პირობები
წესები და პირობები
ბოლო განახლება: 2025 წლის ნოემბერი
მფლობელი: შპს „მაიგალერი“ (ს/კ 405453557)
ვებგვერდი: www.mygallery.ge
ვებგვერდის გამოყენებით, მისი დათვალიერებით ან შეკვეთის განთავსებით, თქვენ ადასტურებთ, რომ გაეცანით და ეთანხმებით მოცემულ წესებსა და პირობებს.
თუ არ ეთანხმებით ამ დოკუმენტს, გთხოვთ, შეწყვიტოთ ვებგვერდის გამოყენება.
1. ზოგადი ინფორმაცია
შპს „მაიგალერი“ („ჩვენ“, „მაიგალერი“) არის ონლაინ პლატფორმა, რომელიც აერთიანებს საქართველოში მოღვაწე ხელოვანებსა და გალერეებს.
ვებგვერდზე წარმოდგენილია ხელოვნების ნამუშევრები, რომელთა შეძენაც მომხმარებელს („თქვენ“) შეუძლია ონლაინ რეჟიმში.
2. წესებსა და პირობებზე თანხმობა
ვებგვერდით სარგებლობისას თქვენ ადასტურებთ, რომ:
-
გაეცანით მოცემულ დოკუმენტს და ეთანხმებით ყველა პუნქტს;
-
იცით, რომ ეს პირობები შესაძლოა განახლდეს და ვებგვერდის ყოველი შემდგომი გამოყენება ნიშნავს, რომ ეთანხმებით შეცვლილ ვერსიას.
3. ქმედუნარიანობა
ვებგვერდით სარგებლობა ნებადართულია:
-
18 წელს მიღწეული ქმედუნარიანი პირებისთვის;
-
ან 16 წელს მიღწეული პირებისთვის, მშობლის/მზრუნველის ნებართვით.
4. ვებგვერდის გამოყენების წესები
ვებგვერდის გამოყენებისას თქვენ ვალდებულნი ხართ:
-
წარმოადგინოთ მხოლოდ ზუსტი და სრული ინფორმაცია რეგისტრაციისა და შეკვეთისას;
-
დაიცვათ ვებგვერდზე განთავსებული ტექსტების, ფოტოებისა და სხვა მასალის საავტორო და ინტელექტუალური უფლებები;
-
არ გაუზიაროთ მესამე პირს თქვენი ანგარიშის პაროლი ან სხვა ავტორიზაციის ინფორმაცია;
-
არ გამოიყენოთ სხვისი ანგარიში ან არ გაიცნოთ თავი სხვა მომხმარებლად;
-
არ განახორციელოთ ქმედებები, რომლებიც ზიანს მიაყენებს ვებგვერდის უსაფრთხოებას ან ფუნქციონირებას;
-
არ გამოიყენოთ ვებგვერდი უკანონო ან მოტყუებითი მიზნებისთვის.
თუ ვებგვერდის მუშაობა შეფერხებულია, გთხოვთ, თავი შეიკავოთ მისი გამოყენებისგან. ასეთ პირობებში სარგებლობის გაგრძელების შემთხვევაში, შესაძლო შედეგებზე პასუხისმგებელი ხართ თავად.
5. რეგისტრაცია და ანგარიში
პროდუქტის შეძენა შესაძლებელია რეგისტრაციის (ანგარიშის შექმნის) შემდეგ.
რეგისტრაციისას:
-
მიუთითეთ ზუსტი და აქტიური საკონტაქტო ინფორმაცია;
-
არ გაავრცელოთ თქვენი პაროლი მესამე პირებთან;
-
დარწმუნდით, რომ ელფოსტა და ტელეფონის ნომერი მოქმედია, რადგან შეკვეთის შესახებ ინფორმაცია ძირითადად ელფოსტით მოგეწოდებათ.
6. ნამუშევრები და ფასები
-
ვებგვერდზე განთავსებული ნამუშევრების უმეტესობა უნიკალურია და ხელმისაწვდომია მხოლოდ ერთ ეგზემპლარად.
-
არასწორად მითითებული ფასის ან ზომის აღმოჩენისას დაგიკავშირდებით კორექტირებისთვის.
-
ვებგვერდზე განთავსებული ფოტოები წარმოადგენს „მაიგალერის“, მხატვრის ან გალერიის საკუთრებას და მათი კომერციული გამოყენება აკრძალულია წინასწარი წერილობითი ნებართვის გარეშე.
7. ანგარიშსწორება
გადახდა ხორციელდება საქართველოში მოქმედი ნებისმიერი ბანკის საკრედიტო ან სადებეტო ბარათით.
გადახდისას თქვენ ადასტურებთ, რომ ბარათი გეკუთვნით ან გაქვთ მისი გამოყენების უფლება.
გადახდა სრულდება ჩვენი პარტნიორი კომპანიის დაცულ გვერდზე, რაც უზრუნველყოფს თქვენი ფინანსური მონაცემების უსაფრთხოებას.
ბარათის მონაცემები არ ინახება „მაიგალერის“ სისტემაში.
8. მიწოდება
-
შეკვეთილი ნამუშევარი მოგეწოდებათ 2–3 სამუშაო დღეში მითითებულ მისამართზე;
-
ნამუშევარი უნდა ჩაიბაროს შეკვეთის გამცემი ან მის მიერ უფლებამოსილი პირი;
-
მიღებისას პროდუქტი უნდა დათვალიეროთ და ხელმოწერით დაადასტუროთ მიღება;
-
მიწოდების შეფერხების შემთხვევაში შეგატყობინებთ ელფოსტით ან ტელეფონით.
9. კონფიდენციალურობა
პერსონალურ მონაცემებთან დაკავშირებული ინფორმაცია, მათ შორის შეგროვების, გამოყენებისა და დაცვის წესები, დეტალურად განსაზღვრულია
კონფიდენციალურობის პოლიტიკაში, რომელიც ამ წესების განუყოფელი ნაწილია.
10. პასუხისმგებლობის შეზღუდვა
„მაიგალერი“ არ არის პასუხისმგებელი:
-
ვებგვერდის ან გადახდის სისტემის შეფერხებებზე, რომლებიც გამოწვეულია ტექნიკური ხარვეზებით, ინტერნეტ-პროვაიდერის პრობლემებით ან მესამე პირის მოქმედებით;
-
მომხმარებლის მიერ არასწორი ინფორმაციის მიწოდებით ან გაუფრთხილებლობით გამოწვეულ შედეგებზე;
-
ნებისმიერ შემთხვევაზე, რომელიც განპირობებულია გაუთვალისწინებელი ან დაუძლეველი ძალის (force majeure) გარემოებებით.